Во Анталија забележан најтоплиот ден во последните 88 години

АНТАЛИЈА (АА) - Во Анталија, Турција, вчера се измерени 45,4 степени Целзиусови што претставува најтоплиот ден во градот во последните 88 години, јавува Аnadolu Agency (AA).

Од Центарот за предвидување и предупредување на Анталија потврдија дека вчерашната температура на воздухот е на највисоко ниво од 1929 година.

Температурата од 45 степени е регистрирана во јули 2000 година, меѓутоа, вчера постави нов рекорд.

Давут Озтурк, директор на Метеоролошкиот центар, за АА изјави дека завчера во Анталија биле измерени 44,8 степени. Тоа, според него, е просечна температура за Анталија во овој период од годината.

"Сепак, вчерашните 45,4 степени се највисоката температура која е забележана во последните 88 години. Значи, 1 јули, 2017 година влезе во историјата", појасни Озтурк.