АНКАРА/ ИСТАНБУЛ (АА) - Телата на турските војници што загинаа при падот на товарниот авион во вторникот по должината на границата меѓу Грузија и Азербејџан денес се вратени во Турција, јавува Анадолу.

По завршувањето на форензичките испитувања, авион А400М на турските вооружени сили ги пренесе телата од Тбилиси, главниот град на Грузија, до воздухопловната база Муртед во областа Анкара.

По слетувањето телата се однесени со амбулантно возило во Институтот за судска медицина.

Турскиот воен товарен авион Ц-130 се урна на пат кон дома од Азербејџан. Според Министерството за национална одбрана, авионот превезувал 20 лица, вклучително и екипажот.