„Не смееме да дозволиме да биде заборавена повеќевековната култура на соживотот на Турците и Ерменците"

ИСТАНБУЛ

Претседателот на Република Турција Реџеп Таип Ердоган упати порака до Сахак Машалиан, поглаварот на Ерменската патријаршија во Турција, јавува Агенција Анадолија (АА).

Ердоган во пораката упати поздрави до Машалиан и ценетите членови на ерменската заедница.

„Со почитување се присетуваме на османлиските Ерменци кои страдаа во тешки услови во текот на Првата светска војна, а на нивните внуци им изразувам сочувство", напиша Ердоган.

Тој додаде дека сите се членови на едно семејство на човештвто, без оглед на етничката, верската припадност, јазик или боја на кожата.

„Со векови заедно живееме на овие простори и пронаоѓаме мр во сенка на нашето црвено знаме со полумесечината и ѕвезда", рече Ердоган.

Додаде дека заедништвото не го држи ниту интерес, ниту корист, туку искрен однос кон истата земја, истите вредности и истите високи идеали.

„На сите нас ни е гордост на бидеме еднакви, слободни и чесни граѓани на Република Турција. Нашата заедничка култура, збогатена е со уметничкиот и архитектонскиот придонес на ерменската заедница, но и со знаење и труд на многумина лекари, инжинери, правници и претприемачи. Исполитизираните расправи користени како средство за напади на нашата земја никому не му донесоа никаква корист. Не смееме да дозволиме да биде заборавена култураа на соживотот помеѓу Турците и Ерменците која трае со векови и која е пример за човештвто", наведе Ердоган.

Додаде дека Турците и Ерменците мораат да покажат дека достигнале зрелост заедно да ги надминат сите бариери.

„Како што знаете, секогаш за тоа прашање искрено постапувавме и вложувавме напори за постигнување решение. Повеќе пати рековме дека сме спремни односите со Ерменија да ги темелиме на добрососедски односи и заемно почитување. И по решавањео на кризата во Карабах уште еднаш упативме гласен повик. Го повторувам истиот повик", рече Ердоган.

Тој додаде дека во нивните раце е да ја споделуваат радоста, болната и поучени од лекциите од минатото да ја градат иднината.

„Турција ќе продолжи да ги исполнува своите обврски во тој поглед. Им благодарам на ерменските граѓани кои се нераскинлив дел од нашиот народ, на искрената поддршка во борбата која нашата земја ја води. Воден од таа мисла уште еднаш со почит се присетувам на османлиските Ерменци кои страдаа во Првта светска војна, ја споделувам болката на нивните блиски и сите срдечно ги поздравувам", истакна Ердоган.