Хрватскиот репрезентативец Марио Хезоња нов кошаркар на Реал Мадрид

АНКАРА (АА) – Репрезентативецот на Хрватска, Марио Хезоња, денеска и официјално му се приклучи на Реал Мадрид, потврди шпанскиот кошаркарски клуб, пренесува Агенција Анадолија (АА).

Во соопштението, Реал Мадрид потврди дека Хезоња (27) постигнал договор со клубот во кој ќе остане до 2024 година.

Хезоња играше за шпанска Барселона пред да се префрли во НБА во 2015 година.

Тој играше за тимот на Орландо Меџик во периодот од 2015 до 2018 година, потоа потпиша за тимот на Њујорк Никс, а играше и за Портланд Трејл Блејзерс додека беше во Соединетите Американски Држави (САД).

Минатата година Хезоња се врати во Европа бидејќи потпиша договор со грчкиот клуб Панатинаикос.

Изминатата сезона играше за рускиот УНИКС Казан.

Во февруари сите руски клубови беа суспендирани од кошаркарската Евролига поради војната на Русија во Украина.

Поради истата причина, на руските тимови им беше забрането и натпреварување за Евролигата 2022/23 што се очекува да започне оваа есен.

Хезоња освои титули во Шпанија и Грција.

Тој е дел и од хрватската кошаркарска репрезентација.