Хамилтон победи на ДХЛ ГН на Турција и на три трки пред крајот ја освои шампионска титула во Формула 1

ИСТАНБУЛ

Британецот Луис Хамилтон, возачот на Мерцедес денес победи на трката ДХЛ Големата награда на Турција во Формула 1, известува Агенција Анадолија (АА).

Хамилтон со време 1:42:19,313 најбргу ги извози 58-те круга на патеката Интерсити Истанбул Парк, долга 5.338 метри и на три трки пред крајот на сезоната го прогласи освојувањето на својата 7. шампионска титула во Формула 1.

Второто место го освои Мексиканецот Серџо Перез, заостанувајќи зад Хамилтон 31,633 секунди, додека третопласиран е Германецот Себастијан Фетел со време од 31,960 секунди.