Луис Хамилтон го изедначи рекордот на Михаел Шумахер во Формула 1

ИСТАНБУЛ

Британецот Луис Хамилтон, возачот од тимот на Мерцедес, победувајќи на трката за ДХЛ Големата награда на Турција ја прогласи својата 7. шампионска титула во кариерата, со што го изедначи рекордот во освоени првенства со Германецот Михаел Шумахер, јавува Агенција Анадолија (АА).

Луис Хамилтон, победувајќи на патеката „Интерсити Истанбул Парк“ во трката за Големата награда на Турција го загарантира првото место во овогодинешниот шампионат во Формула 1 на три трки пред крајот на сезоната.

Хамилтон, по шампионските титули во Формула 1 освоени во 2008, 2014, 2015, 2017, 2018 и 2019 година, победувајќи и на шампионатот во Формула 1 за 2020 година, ја освои својата 7. титула во кариерата.

На тој начин Хамилтон се изедначи со Германецот Михаел Шумахер, кој со 7 шампионски титули е „возач во Формула 1 со најголем број шампионски титули“.