Фановите на Арсенал ги плаќаат најскапите билети во светот

САРАЕВО (АА) - Навивачите на Арсенал плаќаат најскапи билети во Европа, но и во светот, јавува Anadolu Agency (AA).

Според резултатите на најновиот извештај на УЕФА, влезниците за натпреварите на лондонскиот клуб просечно чинат 74,09 фунти, односно 83,5 евра.

Арсенал минатата сезона само од влезниците заработи 102 милиони фунти, односно 115 милиони евра.

По Арсенал следува Челзи, со просечна цена на билетите од 68,71 фунти или 77,5 евра, Реал Мадрид (55,91 фунти, 63 евра), Ливерпул (55,68 фунти, 62,8 евра), Баерн Минхен ( 54,92 фунти, 61,9 евра) и Манчестер Јунајтед (53,41 фунти, 60,2 евра).

Во групата на фудбалски клубови со најскапи билети се наоѓаат и Барселона (51,59 фунти, 58,2 евра), Галатасарај (48,64 фунти, 54,8 евра), Манчестер Сити (40,83 фунти, 46 евра) и Вест Хам (35,30 фунти, 39,8 евра).