спорт

Усеин Болт: „Би сакал да се тркам со Бејл, Роналдо и Мбапе“

Болт, поранешен спринтер од Јамајка, олимписки победник и актуелен светски рекордер на 100, 200 и 4 х 100 метри изјави дека Бејл, Роналдо и Мбапе се фудбалери со кои би сакал да се трка на патека

Bedrudin Brlyavac  | 21.09.2019 - Обновена : 23.09.2019
Усеин Болт: „Би сакал да се тркам со Бејл, Роналдо и Мбапе“ Foto: AA/Arhiv

ЛОНДОН (АА) - Усеин Болт, поранешен спринтер од Јамајка, во интервју за ФИФА објавено на официјалната страница на организацијата, зборувајќи на повеќе теми, од фудбал до атлетика, откри кои се тројцата фудбалери со кои би сакал да се обиде да се натпреварува во трка на 100 метри, пренесува Anadolu Agency (AA).

„Герет Бејл, Кристијано Роналдо и Килијан Мбапе се фудбалерите против кои би сакал да се обидам на патеката. Го следам фудбалот и гледам многу натпревари. Роналдо и Меси се над сите, но го сакам и Рахим Стерлинг. Единствено што ми пречи кај Стерлинг е што игра во Манчестер, но не игра во црвен дрес“, изјавил Болт.

Тој во продолжение на разговорот рекол дека навистина ужива во играњето фудбал, напоменувајќи дека секогаш е подготвен за таа игра:

„Сакам да играм фудбал, но во моите години постојат и некои други обврски, не можам доволно да му се посветам. Без разлика на сѐ, ќе продолжам да настапувам на пријателски и хуманитарни натпревари.“


На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
Поврзани теми
Bu haberi paylaşın