Mutlu Demirtaştan
15 Септември 2021•Ажурирај: 16 Септември 2021
ИСТАНБУЛ
Во најзначајното европско фудбалско клупско натпреварување, УЕФА Лигата на шампиони, синоќа се одиграа првите натпревари во групите Е, Ф, Г и Х, известува Агенција Анадолија (АА).
Дерби на колото беше средбата од групата Е меѓу Барселона и Баерн Минхен. Гостите од Минхен поведоа со 0:1 во 34. минута од средбата преку Томас Милер, додека Роберт Левандовски со своите два гола во 56. и 85. минута ги постави конечните 0:3 за значајна победа на гостинскиот терен на Барселона.
Во групата Х, актуелниот шампион на Лигата на шампиони, Челзи, со резултат 1:0 го совлада рускиот претставник Зенит благодарение на голот што Ромелу Лукаку го постигна во 69. минута од средбата.
Во групата Ф, Јанг Бојс на домашен терен го пречека Манчестер Јунајтед, во чии редови се врати фудбалската ѕвезда Кристијано Роналдо. Манчестер Јунајтед поведе со 1:0 уште во 13. минута од средбата со голот што го постигна Кристијано Роналдо, резултат со кој се замина на полувреме.
Во второто полувреме Јанг Бојс успеа да изедначи на 1:1 во 66. минута преку Моуми Нгамалеу. Победата од 2:1 на Јанг Бојс му ја донесе Теосон Џордан Сибачо со погодокот постигнат во 90+5 минута од судиското продолжение.
Резултати од првите средби во групите Е, Ф, Г и Х во Лигата на шампиони:
Севиља - Салцбург 1:1
Јанг Бојс - Манчестер Јунајтед 2:1
Лил - Волфсбург 0:0
Виљареал - Аталанта 2:2
Челзи - Зенит 1:0
Малме - Јувентус 0:3
Барселона - Баерн 0:3
Динамо Киев - Бенфика 0:0.
Денес на програмата се натпреварите од групите А, Б, Ц и Д. Се среќаваат:
18:45 Бешикташ - Дортмунд
18:45 Шериф - Шахтјор Донецк
21:00 Интер - Реал Мадрид
21:00 Атлетико Мадрид - Порто
21:00 Клуб Бриж - ПСЖ
21:00 Ливерпул - Милан
21:00 Манчестер Сити - Лајпциг
21:00 Спортинг - Ајакс
