За првпат во НБА: Играчи од двете екипи постигнаа трипл-дабл со над 40 поени
- За првпат во историјата на НБА, во натпреварот во кој Рокетси го совладаа Хоукс со 122 : 115, играчи од двата тима имаа трипл-дабл учинок, постигнувајќи повеќе од 40 поени
АНКАРА
Натпреварот меѓу Хјустон Рокетс и Атланта Хоукс во кој Хјустон излезе како победник, влезе во историјата на американската Национална кошаркарска лига со нов статистички рекорд, јавува Агенција Анадолија (АА).
Синоќа се одиграа 9 натпревари во НБА. Хјустон Рокетс, кој е дел од Западната конференција, на домашен терен ја пречека екипата на Атланта Хоукс. Домаќините победија со 7 поени разлика, постигнувајќи ја својата 25. победа сезонава. Но покрај тоа, овој натпревар влезе во историјата на НБА, благодарение на извонредниот перформанс на двајца играчи.
Sвездата на Рокетси, Џејмс Харден, постигна трипл-дабл учинок од 41 поен, 10 скока и 10 асистенции, додека Тре Јанг од редовите на Хоукс го заврши натпреварот со трипл-дабл од 42 поени, 13 скока и 10 асистенции. Ова е првпат во историјата на НБА, играчи од спротивните табори на еден натпревар да имаат трипл-дабл учинок, со постигнати повеќе од 40 поени.
- Во неизвесен натпревар победник Нагетс
На натпреварот во кој Денвер Нагетс му гостуваше на Далас Маверикс, еден наспроти друг играа Словенецот Лука Дончиќ и Србинот Никола Јокиќ. На натпреварот се водеше голема борба, а на крајот со 1 поен разлика победија Нагетс со 106 : 107.
Нагетс ја постигнаа својата 26. победа сезонава, а Јокиќ со постигнати 33 поени, 7 асистенции и 6 скока даде голем удел во успехот на гостински терен. Покрај Јокиќ, добра игра прикажаа и Џереми Грант со 15 поени, 5 скока и 2 асистенции и Џамал Мареј со 14 поени, 5 асистенции и 3 скока.
Маверикс го претрпеа 14. пораз сезонава, а Дончиќ постигна дабл-дабл од 27 поени, 10 асистенции и 9 скока, но тоа не беше доволно за да се спречи поразот. Покрај него, Двајт Пауел постигна 16 поени, 8 скока и 3 асистенции, а Тим Хардавеј натпреварот го заврши со 15 поени и 2 асистенции.
Вечер на програмата се 4 натпревари. Се среќаваат:
Филаделфија Севентисиксерс - Бостон Селтикс
Детроит Пистонс - Кливленд Кавалирс
Минесота Тимберволвс - Портланд Треил Блејзерс
Оклахома Сити Тандер - Хјустон Рокетс
Резултати од синоќа одиграните натпревари:
Шарлот Хорнетс - Торонто Репторс 110 : 112 (во продолжеток)
Индијана Пејсерс - Мајами Хит 108 : 122
Бостон Селтикс - Сан Антонио Спарс 114 : 129
Орландо Меџик - Вашингтон Визардс 123 : 89
Далас Маверикс - Денвер Нагетс 106 : 107
Атланта Хоукс - Хјустон Рокетс 115 : 122
Њу Орлеанс Пеликанс - Чикаго Булс 123 : 108
Јута Џез - Њујорк Никс 128 : 104
Голден Стејт Вориорс - Милвоки Бакс 98 : 107