Турски тренер вербално навредуван за време на кошаркарски натпревар во Израел

ИСТАНБУЛ (АА) - Турскиот тренер на грчкиот кошаркарски тим Панатинаикос, Ергин Атаман, беше вербално навредуван пред и за време на натпреварот од Евролигата вчера во Израел против израелскиот тим Макаби Рапид Тел Авив, јавува Анадолу.

Пред натпреварот во Тел Авив, околу 300 навивачи на Макаби, кои се собраа на влезот на арената, упатија навреди кон Атаман и грчкиот клуб.

Израелските навивачи продолжија да извикуваат навредливи зборови за време на натпреварот и по последниот свиреж, додека Атаман се упатуваше кон соблекувалната.

Макаби Рапид го доби натпреварот од 24. коло од Евролигата со 75-71.

Велејќи дека е горд на играта на својот тим, Атаман ги критикуваше скандирањата, нагласувајќи дека „ова не е кошарка“.

„Дојдовме тука да си ја завршиме работата. Ако 10.000 луѓе чекаат пред соблекувалната и ме навредуваат 40 минути, тоа не е кошарка“, рече тој.

Атаман, исто така, рече дека и покрај упатените навреди, судиите и официјалните лица не интервенирале.