Ќерката на Малколм Икс, Малика Шабаз, погребана во Њујорк

ЊУЈОРК (АА) - Малика Шабаз, ќерката на борецот против расизмот Малколм Икс, која почина на 22 ноември, е погребана во Њујорк, јавува Агенција Анадолија (АА).

По погребната молитва во Исламскиот културен центар во Менхетен во Њујорк, таа беше погребана на гробиштата „Фернклиф“ во округот Вестчестер, каде што е погребан и нејзиниот татко.

На погребот меѓу останатите присуствуваа и останатите ќерки на Малколм Икс и група црномурести американски муслимани од Њујорк, како и турскиот амбасадор во Соединетите Американски Држави (САД), Хасан Мурат Мерџан.

Амбасадорот до семејството на Малколм Икс го пренесе сочувството од турскиот претседател Реџеп Таип Ердоган, со црвен венец во облик на турското знаме.

Малколм Икс беше истакнат лидер на Движењето на црнците за борба против расизмот. Тој беше застрелан додека имаше обраќање во Њујорк во 1965 година.