Said İbicioğlu
19 Септември 2017•Ажурирај: 19 Септември 2017
КАИРО (АА) - Претседателот на Египет, Абдел Фатах ал-Сиси и израелскиот премиер Бенјамин Нетанјаху се состанаа во Њујорк, што е прва средба на двајцата лидери, пренесува Anadolu Agency (AA).
Во соопштението од кабинетот на претседателот на Египет се наведува дека Сиси, кој престојува во Њујорк по повод 72. сесија на Генералното собрание на Обединетите нации (ОН), се сретна со Нетанјаху, а тема на состанокот беше палестинскиот мировен процес.
Беше наведено и дека на средбата со Нетанјаху присуствуваа и министерот внатрешни работи на Египет, Самих Шукри, шефот за разузнавањето, Халид Февзи, и шефот на кабинетот на претседателот, Абас Камил.
За време на состанокот, Сиси истакна дека го поддржува дводржавното решение, порачувајќи дека е многу важно страните да се сретнат повторно.
За време на состанокот, Нетанјаху изрази задоволство од улогата на Египет на Блискиот Исток, кога станува збор за борбата против тероризмот и стабилноста на овој регион.
