Јапонија: Земјотрес со јачина од 5,2 степени ја погоди Фукушима

ТОКИО (АА) - Земјотрес со јачина од 5,2 степени според Рихтеровата скала е регистриран во близина на брегот на Фукушима, во североисточна Јапонија, пренесува Агенција Анадолија (АА).

Јапонската метеоролошка агенција (ЈМА) објави дека земјотресот е регистриран во 11:24 часот по локално време кај Фукушима.

Евидентиран на длабочина од 60 километри, земјотресот е почувствуван и во други подрачја.

Земјотресот што во 2011 година ја погоди Фукушима предизвика цунами што произведе голема нуклеарна катастрофа на тоа подрачје, најголема по онаа во Чернобил.