Шест нерегуларни мигранти се удавија во близина на грчкиот остров Лезбос

АТИНА (АА) - Најмалку шест нерегуларни мигранти ги загубија животите при бродолом во Егејското Море во близина на грчкиот остров Лезбос, јавува Агенција Анадолија (АА).

Несреќата се случила дури рано утрово, а телата на мигрантите ги забележал случаен минувач на брегот.

Грчката крајбрежна стража во моментот спроведува голема операција за пребарување и спасување во областа за да лоцира евентуални преживеани.

Според соопштението на Грчката крајбрежна стража, шесте тела што се најдени немале појаси за спасување.

Причината за бродоломот сè уште е непозната.