Шест лица загинаа при пад на авион во источна Русија

АНКАРА

Рускиот авион, кој исчезна од радарите вчера, се урна во источна Русија, при што загинаа сите шест лица во авионот, пренесува Агенција Анадолија (АА).

Претставник на Службата за итни случаи за руската новинска агенција ТАСС изјави дека остатоците на починатите се пронајдени на местото на несреќата и дека нема преживеани.

„Регионалните спасувачи продолжуваат да работат на местото, а вработените во Министерството за вонредни ситуации и Истражниот комитет се на пат кон местото на несреќата“, објави новинската агенција.

Авионот „Антонов Ан-26“ исчезна вчера од радарите 38 километри од регионот Хабаровск, додека изведуваше технички лет.