Црвениот крст револтиран поради начинот на кој се ослободени палестинските затвореници од страна на Израел

ЕРУСАЛИМ (АА) - Црвениот крст реагираше поради односот на Израел кон палестинските затвореници при нивното ослободување од затворот Негев, известува Анадолу.

Официјални лица на Меѓународниот комитет на Црвениот крст изразија гнев поради односот на израелската затворска управа кон палестинските затвореници за време на нивното ослободување од затворот Негев, објави англиското издание на весникот Хаарец, цитирајќи неименуван безбедносен извор.

Во веста се нагласува дека жалната состојба на палестинските затвореници со раце врзани со лисици зад главите, предизвикала реакција кај преставниците на Црвениот крст.

Во своите први изјави, ослободените палестински затвореници изјавија дека израелската влада пред нивното ослободување ги оставила гладни и биле претепани.

Во четвртиот круг размена на затвореници меѓу Хамас и Израел, се ослободени 183 палестински затвореници од израелските затвори во замена за тројца израелски заробеници цивили во Појасот Газа.