Хунтата на Мјанмар бомбардираше училиште, најмалку 18 убиени цивили меѓу кои и деца

ИСТАНБУЛ (АА) - Во воздушен напад на хунтата денес се убиени најмалку 18 цивили, вклучувајќи деца, а повредени се уште 20 во државата Ракајн во западен Мјанмар, објави медиумот „Иравади“, пренесува Анадолу.

Хунтата бомбардираше приватен интернат во селото Тајат Табин во Општината Кјауктав, контролирана од Армијата на Аракан, во државата Ракајн (Аракан).

Во Мјанмар продолжуваат етничките вооружени судири откако хунтата ја презеде власта во 2021 година.

Сепак, хунтата одлучи да одржи општи избори на 28 декември оваа година.