ДАМАСК/АНКАРА (АА) – Народното движење во Сирија кое започна на 15 март 2011 година кога група студенти напишаа на ѕид: „Еј докторе (Башар ал-Асад), на тебе ти е редот“ кулминираше денес со крајот на владеењето на партијата Баас во земјата по цели 61 година, откако антирежимските сили го зазедоа главниот град Дамаск денес, пишува Анадолу.
Вооружените групи кои го соборија режимот на Баас почнаа со судири против режимските сили во западното рурално подрачје на Алепо утрото на 27 ноември.
Групите прво воспоставија контрола во Алепо, а потоа набрзо ја преземаа контролата врз Идлиб, Хама и Хомс, а утрово го зазедоа и главниот град Дамаск.
Следи прегледот на клучните случувања во последните недели кои доведоа до колапс на режимот на Асад, направен од Анадолу:
27 ноември
- Хајат Тахрир ал-Шам (ХТШ) започна голема операција во западното рурално подрачје на Алепо. Други групи се приклучија на ХТШ, која го започна својот напад во градот Кабтан Ал Џабал.
28 ноември
- Вооружените антирежимски групи запленија тешко вооружување и воени возила на режимот во регионите што ги презедоа под контрола.
- Во судирите се убиени голем број војници на режимот, а десетици се заробени.
- Антирежимските групи ги зазедоа селата Тримбе, Дадих, Кафр Батих, Џобас, Шабур и Мардих, кои беа под контрола на режимот на Асад.
- Вооружените антирежимски групи кои се судрија со силите на режимот на Асад дојдоа до еден километар од предградијата на Алепо.
29 ноември
- Антирежимските групи кои се судрија со силите на режимот на Асад ја преземаат контролата врз стратешки важната област Саракиб во Идлиб, северозападна Сирија.
- Вооружените антирежимски групи почнаа да навлегуваат во центарот на градот Алепо.
30 ноември
- Вооружените групи кои се борат против режимот на Асад ја преземаат контролата врз многу населби во Алепо како и поголемиот дел од градот.
- Меѓународниот аеродром во Алепо, предаден на терористичката организацијата ПКК од страна на режимот на Асад во текот на денот, во вечерните часови антирежимските групи кои се судрија со терористите на ПКК/ЈПГ повторно го преземаа аеродромот.
- Антирежимските групи ја преземаат контролата врз стратешки важните области во Идлиб, Маарат ал-Нуман, Кан Шејхун и Џарџаназ.
- Антирежимските групи ја преземаат контролата врз патниот правец Мунбиџ-Алепо и автопатот М4.
- Терористичката организација ПКК/ЈПГ ја презема контролата од режимот врз Шејхнајар, индустриската зона на Алепо; режимот ги остава Дејр Хафир, Маскана и Кафсаи, јужно и западно од Мунбиџ, во окупација на терористичката ПКК/ЈПГ.
- Вооружените антирежимски групи повторно го преземаат округот Кан Шејхун и воспоставуваат контрола над целата покраина Идлиб.
1 декември
- Опозициската Сириска национална армија (СНА) ја започна операцијата „Зора на слободата“ против планот на терористите на ПКК/ЈПГ за создавање терористички коридор меѓу Тел Рифат и североисточна Сирија.
- СНА ја презема контролата врз целиот центар на дистриктот Тел Рифат во операцијата „Зора на слободата“ против терористичката ПКК/ЈПГ.
- Во јужната сириска покраина Сувејда, во која живеат претежно Друзи, се одржуваат демонстрации за поддршка поради повторно заземање на Алепо и Идлиб од рацете на режимот на Башар ал-Асад.
- Во Ал Танф, каде што се распоредени американските сили во Хомс и Деир ез-Зор, Сириската слободна армија поддржана од САД започнува напад врз подрачјата на Ал Букамал и Мајадин.
2 декември
- Вооружените антирежимски групи напредуваат кон покраините Алепо и Идлиб и повторно освоија уште 16 станбени подрачја од режимските сили во покраината Хама.
3 декември
- Терористичката организација ПКК/ЈПГ поддржана од Соединетите Американски Држави (САД) започна напад за сузбивање на силите на режимот на Асад и групите поддржани од Иран од седум села источно од Еуфрат во покраината Деир ез-Зор.
- Се наведува дека во периодот меѓу 27 ноември и 2 декември загинале вкупно 81 цивил, а 304 цивили се повредени во нападите извршени од режимот на Асад и Русија во северните покраини Алепо и Идлиб.
- Антирежимските сили кои се судрија со силите на режимот на Асад ја преземаат контролата врз населените места Зор Ал Махрука, Зор Ал-Хајса, Зор Абу Зејид, Зор Ал Масалик, Зор Аџ-Џадид и Хатаб во северниот дел на Хама, како и Ридот Насрије.
4 декември
- Режимот на Асад приведува луѓе на возраст од 15 до 47 години кои поседуваат оружје во регионот на Источна Гута во главниот град Дамаск.
- Вооружените антирежимски групи кои се судрија со силите на Асадовиот режим на околу 5 километри надвор од центарот на градот Хама ја преземаат контрола над уште 20 села.
5 декември
- Режимските сили насилно регрутираат мажи, меѓу кои и малолетници, во многу подрачја на главниот град Дамаск.
- Вооружените антирежимски групи во Хама ја преземаат контролата врз центарот на градот.
6 декември
- Неидентификувани авиони извршија воздушен напад на мостот на автопатот Рестен кој ги поврзува покраините Хомс и Хама.
- Антирежимските групи ги зазедоа подрачјата на Растен и Талбисе во стратешки важната покраина Хомс, портата кон главниот град Дамаск.
- Израелската армија објави дека извршила воздушни напади врз граничните премини меѓу Сирија и Либан.
- Во стратешки важната покраина Хомс, вооружените антирежимски групи напредуваат до внатрешните делови на центарот на градот.
- Со растечкиот притисок на вооружените антирежимски групи врз Хомс и главниот град Дамаск, армијата на режимот на ирачката граница почнува да преместува одредени елементи на запад.
- Режимот на Асад ја предаде контролата во покраината Деир ез-Зор на границата со Ирак на терористичката организација ПКК/ЈПГ.
- Камиказа-дрон врши напади на подрачјето каде што се наоѓаат државните радио и телевизија и зградата на Министерството за одбрана во центарот на Дамаск.
- Локалните вооружени групи во јужната сириска покраина Сувејда, населена претежно со Друзи, им дадоа на силите на режимот на Асад ултиматум од 24 часа да го напуштат градот.
7 декември
– Групите кои напредуваат против силите на режимот на Асад почнуваат да навлегуваат во јужните предградија на Дамаск.
- Во Хомс, портата кон главниот град Дамаск, антирежимските групи ја преземаат контролата врз центарот на градот.
- Локалните опозициски групи во јужната покраина Сувејда ја преземаат контролата.
8 декември
- Режимот на Асад во голема мера ја губи контролата врз Дамаск откако демонстранти навлегоа во клучните населби.
- Затворениците во затворот Седнаја, кој се поврзува со режимот и озлогласен по тортурата, се ослободени од страна на демонстрантите.
- 61-годишното крваво владеење на партијата Баас, која доаѓа на власт во Сирија во 1963 година, паѓа кога Дамаск е преземен од контрола на режимот.
– Група опозициски групи објавија на сириската државна телевизија дека Асад е соборен и дека сите затвореници од затворите се ослободени.
- Со падот на 61-годишниот режим на Баас во Сирија и крајот на ерата на семејството Асад, статуите на таткото на Башар ал-Асад, Хафез Асад се урнати во различни градови во земјата.
– Вооружените антирежимски групи почнаа да навлегуваат во центарот на Деир ез-Зор, окупиран од терористичката организација ПКК/ЈПГ, која се обидуваше да приграби територија во источна Сирија.
