Ekip
13 Јули 2022•Ажурирај: 15 Јули 2022
ГАЗА (АА) - Палестинската група на отпорот, Хамас, соопшти дека посетата на претседателот на Соединетите Американски Држави (САД), Џо Бајден, има цел да им служи на израелските интереси.
Бајден денеска пристигна во Израел како дел од регионалното патување, кое, исто така, ги вклучува Западниот Брег и Саудиска Арабија.
„Посетата на Бајден само ќе им служи на израелските интереси во регионот на сметка на палестинската кауза“, изјави портпаролот на Хамас, Хазем Касем, за Агенција Анадолија.
Тој рече дека американскиот претседател се обидува да ги продлабочи регионалните поделби и да формира нови коалиции кои целат кон живите сили на палестинската нација.
„Интересите на Израел се примарна цел на сите посети на американските претседатели во регионот“, истакна Касем.
Портпаролот на Хамас продолжи да повикува на „обединување на напорите против ционистичката и американската политика и подобрување на односите со силите на отпорот“.
