Хамас го смета Израел за целосно одговорен за ескалацијата во Газа

ИСТАНБУЛ (АА) - Палестинската група Хамас денес го обвини Израел за целосна одговорност за ескалацијата во Појасот Газа, по серијата смртоносни воздушни напади од страна на Израел во кои се убиени над 100 лица, и покрај договорот за прекин на огнот, јавува Анадолу.

Во соопштението, групата нагласи дека нема да дозволи Израел да наметне „нова реалност“ во Газа под оган.

„Хамас потврдува дека (израелската) окупација ја сноси целата одговорност за оваа опасна ескалација, заедно со последиците на терен и политичките последици, како и за обидот за саботажа на планот на (американскиот претседател Доналд) Трамп и договорот за прекин на огнот“, соопшти Хамас.

Сепак, таа ја повтори својата целосна посветеност на договорот за прекин на огнот и ги повика посредниците и гарантите да ги преземат своите одговорности и да извршат итен притисок врз Израел да ги запре своите „масакри“ против Палестинците.

Повеќе од 100 луѓе беа убиени во смртоносните израелски напади низ Појасот Газа синоќа, при што беше прекршен договорот за прекин на огнот што стапи на сила на 10 октомври според планот од 20 точки на Трамп.

Израел потврди дека нападите биле одговор на нападот врз неговите сили во Рафа, додека Хамас негираше каква било вмешаност во нападот.