Францускиот претседател Макрон во Париз се сретна со американскиот државен секретар Блинкен

ПАРИЗ (АА) - Францускиот претседател Емануел Макрон разговараше за руско-украинската војна и ситуацијата на Блискиот Исток на средбата со американскиот државен секретар Ентони Блинкен во Париз, главниот град на Франција, известува Анадолу.

Во соопштението на Елисејската палата се наведува дека Макрон го угости Блинкен во претседателската канцеларија во Париз.

Макрон и Блинкен разговарале за поддршката на нивните земји за Украина во контекст на руско-украинската војна, а францускиот претседател ја изразил долгорочната поддршка на неговата земја за Украина и нејзиниот народ.

Двајцата соговорници разговарале за ситуацијата на Блискиот Исток, за координацијата на хуманитарната помош и за тоа што ќе се случува во Газа по нападите на Израел, како и за подготовките за Генералното собрание на Обединетите нации (ОН) што ќе се одржи по неколку дена.

Од Елисејската палата информираат дека Макрон и Блинкен се договориле да ја продолжат блиската соработка меѓу двете земји.