Дрон се урна во Санкт Петербург: Нема повредени ниту материјална штета

МОСКВА / ИСТАНБУЛ (АА) - Во индустриската зона во Санкт Петербург денес падна дрон, потврди гувернерот на вториот по големина град во Русија, пренесува Анадолу.

„Во текот на ноќта, жителите на населбата што се наоѓа во близина на автопатот Глухозјорскје слушнале силен татнеж. Инцидентот се случи во индустриската зона во Невскиот Регион“, објави Александар Беглов на Телеграм.

Беглов додаде дека во експлозијата немало настрадани, ниту е причинета материјална штета, додавајќи дека истрагата за настанот е во тек.

„Градската управа работи во соработка со агенцијата за спроведување на законот“, рече Беглов.

Повикувајќи се на неименуван извор од украинската специјална служба, новинската агенција РБС-Украина тврди дека одбранбената разузнавачка служба на земјата стои зад беспилотното летало што се урнало на територијата на Рафинеријата за нафта во Невски.

Украинските официјални лица сѐ уште не потврдија каква било вмешаност во инцидентот.