Франција привремено го затвори медиумскиот центар за Олимпијадата во Париз поради опасност од експлозија

ПАРИЗ (АА) - Француската полиција вчера поради ризик од експлозија привремено ја затвори областа околу медиумскиот центар што ја користеа новинарите кои известуваа за Олимписките игри во Париз, известува Анадолу.

Новинарите и граѓаните се евакуирани, а причината за опасноста не е соопштена.

Полицијата подоцна повторно ја отвори областа за пешачки сообраќај и пристапот до медиумскиот центар се нормализира.

Франција ги засили безбедносните мерки и за да спречи понатамошна саботажа на железничките линии.

Министерот за транспорт Патрис Вергријет за каналот LCI изјави дека по петочниот пожар, безбедноста и надзорот на железничката мрежа се значително зголемени.

Вергријет истакна дека повеќе од 1.000 вработени и 250 безбедносни лица се распоредени за следење на железничката мрежа, а мобилизирани се хеликоптери на жандармеријата и 50 беспилотни летала.

Тој рече дека истрагата за нападите е во тек, а сторителите се уште не се идентификувани.

Неколку часа пред церемонијата на отворањето на Олимписките игри во Париз во петокот имаше пожари на железничките линии во Пањи-сур-Мосел, Куртален и Кроазил. Спречен е обид за подметнување пожар на железничката пруга во Вержињи.

Во Париз, каде што се очекува за време на Олимписките игри бројот на туристи да достигне 16 милиони, дојде до прекини во метрото.