Enes Canlı
28 Јули 2024•Ажурирај: 30 Јули 2024
АЛ-КУДС (ЕРУСАЛИМ) - Директорот на израелското разузнавање на Мосад, Дејвид Барнеа, директорот на америХанската Централна разузнавачка агенција (ЦИА) Вилијам Барнс, директорот на египетското разузнавање Абас Камил и катарскиот премиер и министер за надворешни работи Шеик Мохамед бин Абдурахман Ал Тани отпатуваа во Рим. главниот град на Италија, на разговори за прекинот на огнот и договорот за размена на заробеници во Појасот Газа, известува Анадолу.
Весникот „Једиот Ахранот“ објави дека израелски преговарачки тим предводен од Барнеа утринава пристигнал во Рим за да разговара за прекин на огнот и договор за размена на заробеници во Газа.
На преговорите во Италија учествуваат и високи функционери од САД, Египет и Катар.
Самитот за прекин на огнот и преговори за размена на заробеници во Појасот Газа се одржуваат во време кога во ракетниот напад на окупираната Голанска Висорамнина загинаа 12 лица.
Додека преговорите се во тек, израелската армија го зголеми интензитетот на нападите во Појасот Газа. Израелската војска повторно почна да испраќа наредби за принудна евакуација од областите во Газа кои претходно ги прогласи за безбедни зони за раселените Палестинци.
Вчера 54 Палестинци, меѓу кои и жени и деца, беа убиени во нападите на израелската армија врз училиштето во Хан Јунис каде раселените Палестинци се засолниле и на местата кои претходно беа прогласени за „безбедни“ зони во Деир ал Белах.
Веќе подолго време се водат преговори меѓу страните за да се запрат нападите врз Појасот Газа што Израел ги започна на 7 октомври.
Според израелските медиуми, безбедносната агенција и разузнавачките агенции кои ги водат преговорите го изнеле своето мислење во корист на склучување на договорот. Сепак, се вели дека Нетанјаху не се согласил со договорот поради притисокот од крајнодесничарските коалициски партнери во неговата влада.
Последниве недели, додека разговорите за размена на затвореници добиваа на интензитет, Нетанјаху изјави дека продолжувањето на израелската окупација на граничниот премин Рафа и границата на Газа со Египет е еден од условите за евентуален договор.
Во израелските медиуми имаше информации дека Нетанјаху ги отежнува преговорите за размена на затвореници со нови барања како „надзор на Палестинците кои сакаат да се вратат во северна Газа“.
Прекршувајќи ја резолуцијата на Советот за безбедност на Обединетите нации со која се бара итен прекин на огнот, Израел спроведува брутални напади со неселективно бомбардирање на цивилни населби, училишта, верски објекти и болници во Појасот Газа убивајќи повеќе од 39.258 Палестинци и ранувајќи над 90.589.
Израел е обвинет за геноцид од Меѓународниот суд на правдата, кој му нареди на Тел Авив веднаш да ја прекине својата воена операција во јужниот град Рафа
Израел е обвинет за геноцид пред Меѓународниот суд на правдата, чија последна пресуда им наложи на израелските власти веднаш да ја прекинат воената операција во јужниот град Рафа, каде што повеќе од милион Палестинци побараа засолниште од војната пред да биде нападнат на 6 мај.
И покрај тоа, израелските напади врз Појасот Газа продолжуваат со несмален интензитет, а испораката на хуманитарната помош не е доволна за решавање на хуманитарната катастрофа.
