Унгарската страна ја откажа средбата со Баербок во Будимпешта

БЕРЛИН (АА) - Состснокот меѓу германската министерка за надворешни работи Аналена Баербок и унгарскиот министер за надворешни работи Петер Сијарто, која требаше да се одржи на 8 јули во Будимпешта, е откажана од унгарска страна, пренесува Анадолу.

Во вестите на германските медиуми, кои се повикуваат на Министерството за надворешни работи на Германија, се наведува дека Баербок нема да ја посети Будимпешта на 8 јули, и дека унгарската страна го откажала нејзиниот состанок со Сијарто.

„Сериозната и искрена билатерална средба меѓу двајцата министри за надворешни работи ќе беше важна од аспект на ненадејната и некоординирана посета на премиерот Орбан на Москва“, соопшти Министерството и изрази жалење за откажувањето на посетата.

Унгарскиот премиер Виктор Орбан вчера ја посети Москва и се сретна со рускиот претседател Владимир Путин.

Посетувајќи го и Киев за прв пат од почетокот на војната во Украина, посетата на Орбан на Москва беше критикувана и од претседателот на Советот на Европската Унија (ЕУ), Шарл Мишел, и од високиот претставник на ЕУ за надворешна политика и безбедност, Жозеп Борел.