Украина: Во нападите на Русија загинаа 128 деца

КИЕВ (АА) - Во нападите кои руската војска ги изврши во Украина загинаа 128 деца, додека 172 деца се повредени, пренесува Агенција Анадолија (АА).

Оваа информација преку соопштение ја потврди Главното обвинителство на Украина.

Во соопштението се наведува дека како резултат на бомбардирањата на руската војска се оштетени 566 образовни установи, од кои 73 се целосно уништени.

Се додава дека од 24 февруари, кога започнаа руските напади, досега, според првичните сознанија, загинале 128 деца, додека 172 деца се повредени.