Убиени се 51 Палестинец во израелски воздушен напад на бегалскиот камп Ал Магази во Газа

АНКАРА (АА) - Најмалку 51 Палестинец се убиени во израелскиот воздушен напад на бегалскиот камп Ал Магази синоќа на полноќ во централниот Појас Газа, извести палестинската официјална новинска агенција ВАФА, пренесува Анадолу.

Израелските воени авиони ја бомбардирале куќата на семејството Сам во кампот Ал Магази, убивајќи и ранувајќи на десетици луѓе.

ВАФА соопшти и дека загинатите воглавно се деца и жени.

Израелското бомбардирање ја уништи куќата и нанесе сериозни оштетувања на соседните станбени објекти и инфраструктура.

Оваа недела израелската војска ги прошири своите воздушни и копнени напади со неселективно бомбардирање на цивилни населби, станбени објекти, џамии, цркви и болници во Појасот Газа, кој е под немилосрдни израелски напади по неочекуваната офанзива на Хамас на 7. октомври.

Во израелските напади на Појасот Газа од 7. октомври досега се убиени повеќе од 9.500 Палестинци, а во исто време се убиени најмалку 1.500 Израелци.