Beyza Binnur Dönmez
25 Мај 2021•Ажурирај: 26 Мај 2021
АНКАРА
Турската морнарица денес ја започна вежбата „Морски волк 2021“ во водите на Егејското Море и Источниот Медитеран, јавува Агенција Анадолија (АА).
Во натписот со видео од вежбата споделено на Твитер, Министерството за национална одбрана ја нарече Tурската морнарица „осветлувачка канџа на водите“.
„Морски волк 2021“, што ќе трае до 6 јуни, има за цел да ги тестира способностите за управување, ефикасност, проценка, предвидливост и донесување одлуки на Поморските сили.
Исто така, ќе ги измери можностите за координација со Воздушните и Копнените сили и јавните институции. Вкупно 10 јавни институции и турската Црвена полумесечина се дел од вежбата.
Околу 25.500 лица, 132 бродови, 10 подморници, 43 авиони, 28 хеликоптери и 14 беспилотни летала ќе бидат на терен за површинската војна, подводната воена одбрана, електронската борба и можноста за спасување персонал од подморниците.
Во последната фаза од вежбата, 83 брода ќе посетат 22 пристаништа во Егејското Море и Источниот Медитеран.
Турската морнарица во март 2019 година спроведе слична вежба, „Сината татковина“.
