Турција го осуди терористичкиот напад во Нигер

АНКАРА

Турција го осуди терористичкиот напад во Нигер, пренесува Агенција Анадолија (АА).

Во соопштението на Министерството за надворешни работи на Турција се потсетува дека голем број лица загинаа и се повредени во терористичкиот напад, што беше извршен на 2 јануари врз селата Чомбангоу и Зарумдареје, близу границата со Мали.

„Остро го осудуваме овој ужасен терористички акт. Упатуваме сочувство до братскиот и пријателски народ и Владата на Нигер. Од Бога посакуваме милост за загинатите, додека на повредените им посакуваме брзо заздравување“, се вели во соопштението.

Инаку, на 2 јануари 2021 година беше извршен терористички напад во овие подрачја, при што загинаа вкупно 70, а повредени се 20 цивили.