Турското беспилотно летало Акинџи го пронајде местото на падот на хеликоптерот на иранскиот претседател

ИСТАНБУЛ (АА) - Турското беспилотно летало Акинџи рано утрово идентификува извор на топлина за кој се сметаше дека се остатоците од хеликоптерот што го превезуваше иранскиот претседател Ебрахим Раиси и ги сподели координатите со иранските власти, јавува Анадолу.

По падот на хеликоптерот во кој се наоѓаше Раиси, турското Министерство за национална одбрана прати беспилотно летало Акинџи и хеликоптер Кугар со можности за ноќно гледање да учествуваат во акциите за пребарување.

Претседателот Раиси вчера со хеликоптер пристигна на церемонијата за отворање брана на границата меѓу Иран и Азербејџан.

Иранската државна телевизија објави дека несреќата се случила кога хеликоптерот на Раиси извел „тешко слетување“ додека се враќал од регионот.

Во хеликоптерот биле и иранскиот министер за надворешни работи Хусеин Амир-Абдулахијан, гувернерот на провинцијата Источен Азербејџан, Малик Рахмети, и имамот ајатола Али Хашим од провинцијата Табриз.

Екипите за пребарување и спасување соопштија дека работата се одвивала со потешкотии поради неповолните временски услови.