Турско претпријатие ископа стотици бунари за вода во Сирија и Африка

АНКАРА (АА) - Турското Државно водоводно претпријатие (DSI) ископа речиси 600 бунари во Сирија, како и во неколку африкански земји, со цел да им помогне на околу 2,5 милиони луѓе во пристапот до чиста вода, јавува Anadolu Agency (AA).

По успешната операција на Турција „Штитот на Еуфрат“, со која беа расчистени северните делови на Сирија од терористичките организации, турското Државно водоводно претпријатие таму изгради 91 бунар за 630.000 луѓе, а обнови 60 бунари оштетени во текот на војната.

Покрај проектите во различни делови на Африка, претпријатието, исто така, ископа и 96 бунари во Мавританија, северозападна африканска земја, за да им помогне на 415.000 луѓе да имаат пристап до чиста вода, во соработка со турската Управа за верски прашања („Дијанет“).

Турското Државно водоводно претпријатие, исто така, работи и на проекти за вода и во Србија, Авганистан, Пакистан, Албанија, Црна Гора и во Словенија.

Според Извештајот на ОН од 2017 година, над 2 милијарди луѓе во светот немаат пристап до чиста вода. Во светот, секое трето лице од 10, нема чиста вода во својот дом.