Три лица убиени во оружен напад на универзитет во САД

ИСТАНБУЛ (АА) - Најмалку 3 лица се убиени, а две се ранети во оружен напад на американскиот Универзитет Вирџинија, додека полицијата трага по напаѓачот за кој постои сомневање дека е студент од Универзитетот, пренесува Агенција Анадолија (АА).

Деканот на Универзитетот Вирџинија, Џим Рајан, во својата објава на социјалната мрежа Твитер потврди дека во нападот животот го загубиле 3 лица, додека две се ранети.

Рајан во својата објава наведува дека вооружениот напад се случил синоќа во 22 часот по локално време.

„Еден нашите студенти, Кристофер Дарнел Џонс Џуниор, осомничен е за нападот“, напиша Рајан.

Осомничениот, кој уште е на слобода, „е вооружен и се смета за опасен“, предупреди деканот на Универзитетот.

Локалната полиција го предупреди локалното население дека напаѓачот е вооружен и повика да се засолнат на безбедно место.