ЊУЈОРК (АА) - Претседателот на САД, Доналд Трамп, изјави дека Мексико мора да го ослободи својот воден тек според договорот, во спротивно ќе биде воведена царина од 5 % за мексиканскиот увоз, известува Анадолу.

Трамп тврди дека Мексико го крши сеопфатниот договор за вода, наведувајќи дека тоа сериозно им штети на земјоделските производи и добитокот во Тексас.

Тврдејќи дека Мексико им должи на САД приближно 1 милијарда кубни метри вода поради непочитување на договорот во последните пет години, Трамп истакна:

„САД сакаат Мексико да ослободи приближно 250 милиони кубни метри вода пред 31 декември, а остатокот треба да дојде наскоро потоа“.

Потенцирајќи дека неуспехот на Мексико да одговори на ова барање е неправеден кон американските земјоделци на кои им е потребна вода, Трамп продолжи со зборовите:

„Од таа причина ги одобрив документите за воведување царина од 5 % кон Мексико доколку оваа вода не се ослободи веднаш. Колку повеќе Мексико ќе доцни со ослободувањето на водата, толку повеќе ќе страдаат нашите земјоделци. Мексико има обврска веднаш да го реши ова прашање“.