Трамп објави дека е постигнат договор за заложниците во Газа

ВАШИНГТОН (АА) - Новоизбраниот американски претседател Доналд Трамп објави дека е постигнат договор за заложниците во Газа по извештаите дека Израел и Хамас дале согласност за договорот за прекин на огнот, пренесува Анадолу.

„Имаме договор за заложниците на Блискиот Исток. Тие ќе бидат ослободени набрзо“, објави Трамп на социјалната мрежа „Truth Social“.

Претходно, палестинската група на отпорот Хамас соопшти дека официјално одговорила на предложениот договор за прекин на огнот со Израел.

Во соопштението, Хамас истакна: „Раководството на Хамас штотуку го достави својот одговор на предлогот за прекин на огнот до посредниците (Египет и Катар).“

Соопштението уследи по вонредниот состанок на Политичкото биро на Хамас на кој е разговарано за предлогот на посредниците, се додава во соопштението.