Столтенберг присуствуваше на состанокот на колегиумот на Европската комисија

АНКАРА

Генералниот секретар на НАТО, Јенс Столтенберг, денес присуствуваше на состанокот на колегиумот на Европската комисија на кој се дискутираше за прашањата што се однесуваат на кибербезбедноста, климатските промени и отпорноста, јавува Агенција Анадолија (АА).

По состанокот, Јенс Столтенберг и претседателката на Европската комисија, Урсула фон дер Лајен, одржаa прес-конференција, означувајќи го првото присуство во историјата на состанок на колегиумот од ЕУ од страна на генерален секретар на НАТО.

„Европската комисија и НАТО се добри партнери, но можеме да сториме повеќе. Можеме да сме постратешки и подобро да даваме приоритет. Значи, станува збор за теми како што се кибербезбедноста и новите технологии. Се работи за климатски промени и флексибилност“, рече Фон дер Лајен на прес-конференцијата.

„Денес во колегиумот усвојуваме стратегија за подобрување на кибербезбедноста. Имаме заеднички интерес да се осигуриме дека хардверот на кој се потпираме е безбеден. И двајцата сакаме да се бориме против дезинформациите што им се закануваат на нашите демократии“, додаде таа.

Столтенберг, од своја страна рече дека НАТО видел „почести и пософистицирани кибернапади и воспоставен кибер како воен домен, заедно со воздухот, копното и морето“.

Во врска со климатските промени, двајцата лидери ја истакнаа важноста на влијанијата на климатските промени врз областа на одбраната и безбедноста.

„Глобалното затоплување, климатските промени се мултипликатор на кризата и НАТО мора да се справи со безбедносните последици од климатските промени“, рече Столтенберг.

„Еластичноста е друга област каде што силно верувам дека можеме да работиме уште поблиску заедно. Потребни ни се силни општества, силна и еластична инфраструктура за да се осигуриме дека имаме силна одбрана“, додаде тој.

„Флексибилноста е исто така клуч за ублажување на можните закани, како што се заканите во хибридната војна. Значи, постои тесна врска помеѓу потенцијалот на двете организации за повторно напојување на партнерството помеѓу Европската комисија и НАТО“, изјави Фон дер Лајен.

Генералниот секретар на НАТО, исто така, изјави дека е важно подобрувањето на трансатлантските односи.

„Имаме единствена можност да ја зајакнеме и да ја активираме трансатлантската врска. И јас силно верувам дека треба да работиме заедно. Не верувам само во САД, не верувам само во Европа, силно верувам во Северна Америка и Европа кои работат заедно. Бидејќи ги делиме истите вредности, треба да застанеме заедно во понепредвидливиот свет“, рече тој.