Снимател на телевизијата Ал Манар убиен во израелски напад врз Либан

БЕЈРУТ (АА) – Камил Караки, камерман на телевизијата Ал Манар на Хезболах, го загуби животот во воздушниот напад што израелската армија го изврши на југот на Либан, известува Анадолу.

Во писменото соопштение објавено на профилот на социјалните мрежи на либанската телевизија Ал Манар се вели:

„Нашиот снимател Камил Караки загина во воздушен напад на ционистите.“

Во објавата се вели дека Караки, кој е од градот Кантара на југот на земјата, работел за телевизијата Ал Манар повеќе од 25 години.

Либанската официјална новинска агенција ННА го објави соопштението на Либанскиот синдикат на новинари кој ги осуди нападите на Израел насочени кон новинарите.

Во соопштението се наведува:

„Ги осудуваме тековните напади на Израел врз цивилите во сите региони на Либан и ширењето на геноцидни масакри во кои како цел се земаат поголем број недолжни луѓе. И новинарите и снимателите не беа поштедени од овие масакри. На крајот Камил Караки, снимател на телевизијата Ал Манар, беше цел на напад во подрачјето на неговиот град Кантара.“

Вчера во израелски напад врз Либан, кој од утрото на 23 септември е цел на интензивни воздушни напади на израелската армија, беше убиен репортерот на телевизијата Ал Мајадин, Хади ес-Сајид.