Словачкиот премиер: Прекинот на транзитот на руски гас преку Украина ќе има драстични последици за ЕУ

АТИНА (АА) - Прекинот на транзитот на руски гас преку Украина ќе има драстични последици за Европската Унија (ЕУ), изјави денес словачкиот премиер Роберт Фицо, пренесува Анадолу.

„Нарушувањето на транзитот на гас преку Украина ќе има драстично влијание врз сите нас во ЕУ, не само врз Руската Федерација“, истакна Фицо во видеопораката објавена на Фејсбук за Нова година.

Петгодишниот договор меѓу Москва и Киев за транзит на руски гас преку Украина истече денес, откако Киев одби да го продолжи, во услови на војна меѓу двете земји која продолжува и понатаму.

Украинското Министерство за енергетика соопшти дека транзитот на руски гас е запрен „во интерес на националната безбедност“. Министерот за енергетика Херман Халушченко рече дека раскинувањето на договорот е „историски настан“.