Седум лица загинаа во земјотресот со јачина од 6,8 степени што ја потресе кинеската провинција Сичуан

ПЕКИНГ (АА) - Најмалку седум лица загинаа во силниот земјотрес со јачина од 6,8 степени што ја потресе кинеската западна провинција Сичуан, известува Агенција Анадолија (AA).

Кинеската јавна телевизија CGTN објави дека седум лица загинале по земјотрес со интензитет од 6,8 степени според Рихтеровата скала што ја потресе покраината Сичуан.

Утврдено е дека епицентарот на земјотресот, кој е регистриран на длабочина од 16 километри од земјата, е на 39 километри од областа Лудинг.

Според вестите објавени во локалните медиуми, 30 службеници од екипите за справување со катастрофи од областа Лудинг и 530 од околните населени места биле испратени во регионот погоден од земјотресот.

Според информациите за густината на населението добиени од локални извори, во областите оддалечени 20 километри од епицентарот на земјотресот живеат 39.000 луѓе, а на 100 километри оддалеченост од епицентарот живеат 1,55 милиони луѓе.

На видеата објавени на социјалните мрежи се гледаат штетите на зградите и патната инфраструктура.

Во тек се акции на спасување.