ИСТАНБУЛ (АА) - Терористичката организација ПКК/ЈПГ, која дејствува под името СДФ, утринава втор ден по ред продолжува со гранатирање на станбените населби во Алепо во северна Сирија, откако најмалку пет лица беа убиени во нападите еден ден претходно, објави Сириската арапска новинска агенција (САНА), пренесува Анадолу.

САНА соопшти дека СДФ ја гранатирале населбата Ал Сурјан во северно Алепо.

Агенцијата соопшти дека силите на сириската армија, исто така, се вклучиле во судири со терористичката организација по должината на оските Кастело и Ал Шеихан во покраината.

Не се дадени информации за жртвите.

Најмалку пет лица беа убиени, а 16 повредени во серија напади на СДФ во Алепо во текот на вчерашниот ден.