Свлечиште во Таџикистан одзеде 5 животи
Комитетот за цивилна заштита и вонредни состојби на Таџикистан соопшти дека во свлечиштето што вчера се случило во селото Дархан, сместено во околината на местото Деваштич во Согдиската Област, една куќа се урнала, а една куќа претрпела оштетувања.
ТАШКЕНТ
Свлечиште одзеде 5 животи во Согдиската Област, во северниот дел на Таџикистан, известува Агенција Анадолија (АА).
Комитетот за цивилна заштита и вонредни состојби на Таџикистан соопшти дека во свлечиштето што вчера се случило во селото Дархан, сместено во околината на местото Деваштич во Согдиската Област, една куќа се урнала, а една куќа претрпела оштетувања.
Свлечиштето предизвика смрт на 5 лица што останале под земјата, од кои 3 се деца.
Поројните врнежи од дожд во планинските делови од земјата предизвикаа природни катастрофи во кои од почетокот на месецот досега, животот го загубија 9 лица.
Таџикистан е земја која 93% од нејзината територија ја сочинуваат планински предели. Поплавите и свлечиштата се причина за човечки жртви во пролетните и есенските месеци.