Светските лидери со честитки до Ердоган: „Турскиот народ ја покажа вербата во својот лидер“

БАКУ (АА)

Светските лидери денес упатија честитки до претседателот на Туркије, Реџеп Таип Ердоган за демократските избори што вчера се одржаа во Туркије и за освојувањето на мнозинство гласови на претседателските и парламентарни избори, пренесува Анадолу.

Меѓу првите светски лидери кои упатија честитки до Ердоган се претседателот на Азербејџан, Илхам Алијев, и претседателот на Узбекистан, Шевкет Мирзијоев.

- Алиев: Турскиот народ и на овие избори ја покажа вербата во својот лидер

Претседателот на Азербејџан Алијев му честиташе на турскиот претседател Ердоган и на Народната алијанса за освојувањето на мнозинството гласови на претседателските и парламентарните избори што вчера се одржаа во Туркије.

Според соопштението на азербејџанското Претседателство, Алијев телефонски упатил честитки до Ердоган.

Алијев истакна дека Туркије под водство на Ердоган доживеала голем напредок и како манифестација на тоа, братскиот турски народ и на овие избори ја покажал својата верба во својот лидер.

Ердоган му се заблагодари на Алијев за интересот и за честитките.

Во разговорот, лидерите уште еднаш истакнаа дека пријателството и братските односи меѓу двете земји се трајни и непоколебливи.

- Мирзијоев: Широка поддршка за политичките промени и економски реформи под водство на Ердоган

И претседателот на Узбекистан, Шевкет Мирзијоев, упати честитки до Ердоган по повод успешните претседателски и парламентарни избори што вчера се одржаа во Туркије.

Според соопштението на Канцеларијата на претседателот на Узбекистан, Мирзијоев телефонски го побарал Ердоган и упатил честитки поради успешните претседателски и парламентарни избори.

Во телефонскиот разговор Мирзијоев рече дека изборните резултати се показател за широката поддршка на братскиот народ на Туркије за политички промени и економски реформи под водство на претседателот Ердоган.

Во текот на разговорот, лидерите разговараа за прашања поврзани со стратешкото партнерство меѓу Узбекистан и Туркије и за натамошниот развој на мултилатералната соработка, како и за прашања поврзани со подготовката за следниот состанок на Советот за стратешко партнерство на високо ниво.