Muhammed Bilal Kenasari
21 Јули 2018•Ажурирај: 22 Јули 2018
ВАШИНГТОН (АА) - Министерството за одбрана на Соединетите Американски Држави (САД), соопшти дека ќе понуди помош од 200 милиони долари за Украина, со цел поддршка на одбранбените капацитети на оваа земја, пренесува Anadolu Agency (AA).
Во писменото соопштение на американското Министерство за одбрана се наведува дека помошта за Украина ќе се овозможи преку Фондот за безбедносна соработка за консултантски услуги, опрема, како и преку програмите за дополнителна обука.
Според соопштение, САД од 2014 година понудила поддршка од една милијарда долари за Украина, а оваа помош од 200 милиони долари се користи за потребите во програмите за воена обука кои се во тек во оваа земја, за безбедносните комуникациски средства и за воена медицина.
Се наведува дека датумот за доделување на помошта ќе се соопшти подоцна.
