Израелската армија гранатираше позиција на Хамас во Газа по примирјето

ГАЗА (АА) - Израелските тенкови денес гранатираа позиција на палестинското движење Хамас во Појасот Газа, соопшти Израелската армија, јавува Anadolu Agency (AA).

Во соопштението на Армијата се вели дека огнот се случил откако осомничените ја преминале безбедносната ограда меѓу Газа и Израел.

Локалните жители рекоа дека гранатирањето било насочено кон кула за набљудување во источниот дел на Појасот Газа.

Досега не се пријавени жртви.

Денешното гранатирање се случи набргу откако Хамас го објави Договорот за прекин на огнот меѓу палестинските фракции на отпорот и Израел, со цел, намалување на тензиите на палестинската територија.

Договорот за прекин на огнот се случи откако четворица Палестинци и еден израелски војник загинаа во нападите вчера.

Потсетуваме, најмалку 142 палестински демонстранти се убиени, а 16.496 се ранети во интервенции на израелските безбедносни сили од почетокот на масовните палестински протести кои на границата на Газа започнаа на 30 март.