САД: Две лица загинаа при оружен напад на автобус на Флорида

ФОРТ ЛОДЕРДЕЈЛ

Две лица загинаа во оружен напад извршен на автобус во американската сојузна држава Флорида, известува Агенција Анадолија (АА).

Претставници на полицијата од областа Брауард на Флорида информираа дека е пукано врз автобусот во моментот додека минувал во близина на полициската станица Форт Лодердејл, по што автобусот удрил во возилата што се наоѓале во неговата близина.

Надлежните соопштија дека на местото на нападот починало едно лице што се наоѓало во автобусот, а друго рането лице им подлегнало на повредите во болницата во која е пренесено. Под лекарски третман во болницата се 2 ранети лица.

Надлежните органи соопштија дека на местото на нападот им била укажана помош на тројца повредени од возилото во кое удрил автобусот, додавајќи дека напаѓачот е приведен.