САД: Вонредна состојба во Флорида поради поплавите

ВАШИНГТОН (АА) - Гувернерот на американската сојузна држава Флорида, Рон Десантис, прогласи вонредна состојба поради поплавите што го зафатија регионот, јавува Анадолу.

Десантис истакна дека се очекува поројните дождови во државата да продолжат.

„Дополнителни силни дождови и бура се предвидуваат за подрачјето на јужна Флорида во текот на следните неколку дена, што дополнително ќе ги влоши условите во подрачјата што веќе се погодени и понатаму ќе бидат под влијание“, предупреди гувернерот на Флорида.

Тој наведе дека возилата морале да запрат во некои региони поради последиците од поплавите.

„Дождот и поплавите влијаат и би можело да продолжат да влијаат врз капацитетите на критичната инфраструктура, вклучувајќи ги автопатиштата, државните и обиколните патишта, аеродромите и училиштата“, предупреди Десантис.

Гувернерот порача дека во државата е прогласена вонредна состојба и дека се преземени превентивни мерки против можните влијанија на поплавите.

Поројните дождови што вчера ги зафатија јужните делови на Флорида предизвикаа поплави и го запреа животот во некои региони.

Американскиот Метеоролошки центар соопшти дека се очекува дождот на Флорида да врне уште неколку дена.