АТИНА (АА) – Соединетите Американски Држави (САД) преговараат со Грција за купување артилериски гранати за Украина, пренесува Анадолу.

САД планираат да купат 50.000 гранати со калибар од 105 мм, 20.000 со калибар од 155 мм и 5.000 поголеми гранати со калибар од 203 мм со цел да ги надополнат украинските залихи, објави весникот „Катимерини“, и се додава дека преговорите се во завршна фаза.

Се истакнува дека вкупната цена за којашто преговара грчката страна е 47 милиони долари.

Европската Унија вети дека ќе му обезбеди на Киев еден милион парчиња артилериска муниција со калибар од 155 милиметри до март следната година.

Но, германскиот министер за одбрана Борис Писториус на 14 ноември предупреди дека ветувањето нема да биде исполнето.

Украинскиот претседател Владимир Зеленски на 17 ноември објави дека испораката на гранати од западните сојузници на земјата значително е забавена.