Русија ја потврди размената на затвореници со САД

ИСТАНБУЛ (АА) - Кремљ денес ја потврди размената на затвореници помеѓу Русија и САД, при што американскиот затвореник Марк Фогел беше ослободен во замена за руски државјанин затворен во САД, јавува Анадолу.

Говорејќи на брифинг со новинарите во Москва, портпаролот Дмитриј Песков рече дека размената е резултат на „интензивните контакти“ помеѓу Москва и Вашингтон.

„Како што претходно објавивме, работата во оваа област неодамна се интензивираше преку соодветни агенции, што доведе до ослободување на Фогел и еден руски државјанин.“

Тој рече дека рускиот државјанин ќе се врати во Русија „наредните денови“, без да го открие неговиот идентитет. „Штом граѓанинот ќе биде на руска територија, неговото име ќе биде познато“, додаде Песков.

На прашањето дали трети земји се вклучени во олеснувањето на размената, Песков одговори: „Во моментов немаме што да кажеме за тоа.“

Враќањето на Фогел беше поздравено и потврдено од американската администрација вчера.

Тој издржувал 14-годишна затворска казна во Русија поради обвинение за дрога.