Русија: Уапсен генералот Шамарин, заменик-началникот на Армијата

ИСТАНБУЛ (АА) - Во Русија е уапсен генералот Вадим Шамарин, заменик-началникот на Генералштабот на Вооружените сили и началник на Главната дирекција за комуникации, јавува Анадолу.

Шамарин бил приведен вчера (среда) и однесен на испитување во истражен затвор, пишува рускиот весник „Известија“.

Весникот подоцна објави дека Шамарин бил приведен под сомнение за примање мито „во особено големи размери“.

Веста доаѓа по два дена откако руската државна новинска агенција ТАСС го објави апсењето на Иван Попов, поранешен командант на 58-та армија на Руските вооружени сили, осомничен за измама.

Истиот ден, ТАСС ја пренесе изјавата на адвокатот на Попов кој рече дека ќе се жали на одлуката, велејќи дека тој „не е виновен за ништо, и затоа не ја признава вината“.

Руското Министерство за одбрана сѐ уште не ги коментираше тие извештаи.

Во изминатиов период имаше голем број акции за сузбивање на корупцијата и измамите во руската Армија при што беа уапсени повеќе воени претставници.