Русија тврди дека соборила три украински дрона во руските региони Смоленск и Тула

ИСТАНБУЛ (АА) - Русија тврди дека нејзините сили спречиле три украински напади со дронови врз руските региони Смоленск и Тула, пренесува Анадолу.

Руското Министерство за одбрана денес соопшти дека соборило три беспилотни летала над регионот Смоленск околу 01:30 часот по московско време.

По обидот за напад со дрон, гувернерот на Смоленск, Василиј Анохин, на Телеграм изјави дека нема жртви во регионот и дека службите за итни случаи работат на местото на несреќата.

Во претходно соопштение, Министерството објави дека околу 23:50 часот по московско време бил соборен дрон над регионот Смоленск.

Друго беспилотно летало било соборено во исто време над регионот Тула од системите за противвоздушна одбрана, објави Министерството во посебно соопштение.

Сѐ уште нема соопштение од властите на Тула за евентуални жртви или причинета материјална штета во регионот.

Новинската агенција РБЦ-Украина, повикувајќи се на неименувани извори од военото разузнавање на Украина, објави дека украинската армија успешно гаѓала фабрика од одбранбената индустрија во Тула.

Украина допрва треба официјално да го потврди нападот врз фабриката за одбранбена индустрија во Русија.